For the latest Philippine news stories and videos, visit GMANews.TV
Lumipad na patungong Los Angeles, California nitong Miyerkules si Maria Venus Raj para maging kinatawan ng Pilipinas sa prestihiyosong Miss Universe Pageant.
Sa panayam ni entertainment reporter Nelson Canlas, hindi itinago ni Venus ang labis na kasiyahan at pananabik sa dadaluhang kompetisyon sa US.
“Sobrang excited na po!," masayang sagot ni Venues sa panayam ng
Chika Minute ng GMA news
24 Oras nitong Miyerkules.
Hanggang ngayon daw ay hindi pa rin siya makapaniwala na siya ang magiging kinatawan ng Pilipinas sa isa pinakamalaki at pinakaprestihiyosong beauty pageant sa buong mundo.
Itinuturing din umano ni Venues na katuparan ito ng kanyang mga dasal noong panahon ng kontrobersiya nang alisin sa kanya ang korona bilang Binibining Pilipinas-Universe. (Basahin:
Bb Pilipinas-Universe Venus Raj dethroned)
Ang naturang kontrobersiya ay nakatulong daw sa kanya para maging buo ang loob sa gagawing kompetisyon. Sa airport ay inihatid si Venus ng kanyang mga kamag-anak kasama na ang ina na si Esther Bayonita, na hindi na makasusunod sa US para mapanood ang anak ng personal.
Sa kabila ng kumpiyansa ni Venus na maiuuwi niya ang korona sa Pilipinas, nanawagan pa rin siya na ipagdasal ang kanyang mag
ging tagumpay .Source: http://www.gmanews.tv/story/197807/maria-venus-raj-flies-to-us-for-miss-universe-pageant
